Kornea dhe keratoconus

Keratokonusi është sëmundje progresive që prek indin e kornesë të syrit dhe çon në hollimin e saj. Si pasojë e progresit të sëmundjes, forma e kornesë ndryshon, nga forma sferike në atë konike dhe kjo sjell uljen e aftësisë të shikimit. Shkaku i sëmundjes është ende i panjohur. Klinikisht, keratokonusi shoqërohet me dobësim e shikimit, shfaqjes së astigmatizmit (numër cilindrik që ka tendencë të rritet). Në raste të caktuara, kur sëmundja progreson, hollimi i kornesë mund të çojë deri te perforacioni i saj.

Topografi ose tomografi ndryshe skaneri i segmentit anterior i syrit – është një aparat diagnostikues dhe mjekues që përdoret për zbulimin e hershëm të keratokonusit dhe jo vetëm kjo. Ai ofron një imazh tredimensional për formën dhe trashësinë e faqes anteriore dhe posteriore të kornesë duke mundësuar kështu diagnostikimin dhe ndjekjen e sëmundjes që në fazën fillestare.

Trajtimi i keratokonusit:

Në stadet fillestare të sëmundjes përmirësimin e shikimit mund ta ndihmojnë syzet, por me avancimin e saj syzet bëhen jo efikase dhe përdorimi i thjerrëzave të kontaktit të forta (rigide) mundëson një korrigjim më të mirë të shikimit.

Në rastet kur sëmundja përparon dhe kur pacientët nuk tolerojnë thjerrëzat e kontaktit, rekomandohen metodat e tjera të trajtimit:

• Metoda Cross-linking
• Metoda Cross-linking Laser
• Unazat korneale
• Keratoplastika (transplant i kornesë)

Perdorimi i Laserit Schwind AMARIS 500E, me teknologjine Smart Surf dhe me Cross linking premton se per here te pare ne Kosove dhe rajon keratokonus permiresohet dhe ndalohet degjenerimi ose perkeqesimi i metejshem i tij.